累於存在於一個不再想存在的空間;
累於面對著一些不再想面對的咀臉;
累於走過那一點不再想珍惜的時間.

我的累, 累得空白,

累, 根本什麼也組織不到.

我的累好像帶點懊惱..

只要捱過餘下的日子, 我那紮實的靈魂就會歸位.

累得值得是值得, 累得不值得是使人哭泣

累是不想去睡, 因為睡了依然很累..

我的累其實有點抽象,
總之就是累.

選對, 顧然開心快慰; 選錯, 則要承擔之後的後悔,
"dum心", 自怨自艾, 受盡千夫指責etc咁多樣痛苦,
當然人人都不想.
但貪心的人, 總希望多一個或多n個選擇.
食飯, 最好有齊中日韓美意法, 越南泰國任你揀;
買衫, 重有冇紅橙黃綠青藍紫黑白灰金銀?
揀科, 興趣有設計音樂同哲學; 實際就旅遊酒店加經濟, 寫埋後備最穩陣.
愛人, 一個口賤衰格但鍚我, 一個高大紮實有安全感可惜有女朋友,
一個樣樣普通但家財千萬, 一個我好鍾意佢但佢唔lum我... 一個......

太多選擇, 唔識選擇, 選擇唔到, 唔係一樣痛苦咩?
選擇太多, 可能令人浪費很多時間, 心血;
選擇太多, 無力感愈大, 身上的弱點輕而易見;
選擇太多, 當要決擇那一刻的痛苦, 是"選擇遊戲"之中最難受的一關.

常聽說"有得揀點都好過冇得揀". 我想一時時吧.
我覺得有時可以係對等.
有得揀, 當然後悔的機會就會愈大. 雖然後悔可能是痛苦,
但也可以是一種"美"吧. 當你選擇錯的時候, 試過微笑嗎?
懂得欣賞"後悔美"的時候, 你長大了.
而冇得揀, 後悔感自然相對少了. 但卻又心深生恨, 你又會怨"點解冇得揀?"
或許這就是冥冥中自有主宰, 是莫大的緣份.
冇得揀的時候, 若果懂得感恩, 你又長大了.

或許, 選擇真的只是一個遊戲罷了.
懂玩法的, 如何玩都會是一個happy ending.

有幾多人根本係唔想要level但偏偏又要捱著苦頭去追?
為的就係"所謂的生活";
就正如你千辛萬苦去追一個你一點也不喜歡的有錢女孩,
目的就是為了那一小啖軟飯.

這些high level的人又否真的high level?

而我的level很簡單, 只要可以做到喜歡做的事和睡多一點就已經足夠.
我才是high level吧~~
(sorry, 既然level係商業字眼, 我只係屬於Low level ja!)

究竟聽日係"希望在明天"定抑或係"明日復明日"?
有時就係因為一個念頭一個藉口, 尋晚明明誓神劈願話聽日要做天使,
點知第朝一覺醒來臨時又成了魔鬼.

藉口, 就是成魔之路.

以前呢, 成日都話冇心情冇心情,
呢刻唔想做咪唔做囉, o係到放任自己,
順哂自己心意, 扮哂藝術家.
根本就唔想認真面對, 唔想用腦,
只想不停咁發白日夢!

雖然當時可能真係好冇心情,
但有d野迫返黎o既jei.
有邊個真係想日日做野架? 咪又係要做.
用冇心情黎做藉口, 其實真係好唔pro囉!

(而家我改左好多架喇.)

知道有明天有希望o既人唔會係loser;
鍾意玩, 玩足一世, 玩得徹底o既人唔會係loser;
懂得愛人愛己相信愛o既人唔會係loser;

一個成功o既人, 你估曾經當過幾次loser?

我認為一張白紙, 連對摺都唔識o既話, 就係loser.

(哈, 點解我講到咁唔關我事咁冇我份咁局外人咁o既? Loser jama, 未做過咩?)

可能係我唔見左掛..

回想起前兩年, 我真係好熱誠好熱誠咁埋頭苦幹幹幹幹幹,
那時雖然很辛苦, 但總覺有點enjoy.
但現在呢, 都是埋頭苦幹幹幹幹幹, 都是很辛苦,
但並不是好熱誠好熱誠..
只想可以一直沈睡下去..

有時有d野真係迫都迫唔到, 聽多幾次shinin' day都冇用.

想要Passion呢樣野, 仲難過賺錢!
冇左佢, 人生將會死咁3份2!!

MY Passion!!!!! WHERE ARE YOU?????

唉~ 大計大得天馬行空; 改進樣樣都可以改.
真的不想因為新一年說這些廢話, 為做而做.
況且根據過往經驗, 往往都是有頭威冇尾陣,
我是很了解自己的, 我知衰.

2006, 其實我好"pea".
還記得06開始不到幾天, 突蒙感召,
我呢一年係要"pea", 係會熱情減退, 係要縱慾.
結果樣樣做齊, 結果變成現在這個我.

夠喇, 係時候停, 係時候要管理一下自己.
過份縱慾換來的竟然是不快樂. (就算只是一點點)

2007, 我不說什麼大計什麼改進,
我只想撻返著個心, 簡簡單單重新啟動一下自己,
我滿足了.