夠驚未? Poly d學生都沒有強得這個樣子吧!
雖則某些作品的挑戰題目可能是用廢物再造, 但..我依然係見到一個廢物囉!
(即是用廢物再造廢物?! Oh..help!)

發掘廢物中...

拿, 這兩個廢物才像點樣子吧! 假如用布造的話相信也不錯~

這次Season 3真係夠驚嚇, 好的我記得不多(因為根本好少好),
衰就一大蘿!! 我覺得點都同開初就踼走Malan同Keith有d關係!
而Angela同Vincent呢d, 竟然玩到第十集囉!!
樓上o個d廢物9成都係出自呢兩個人!
明明俾人out左都重可以戲劇性回歸, 你話係咪小人得志丫!?

Malan其實我直覺覺得佢係得架, 雖然呢兩件係就係悶左d..

(呢兩件係佢唯一o既兩件呀, 因為第二集佢就不幸被out.)

另一個, Keith. 另一個戲劇性高潮! 佢係PR三輯以黎第一個唔係因為d衫造得衰而被out! 係因為佢犯規, (好似係因為佢帶左d關於造衫o既書同出外用電腦)
我真係冇諗過揸到咁正囉, 以為最多咪俾個warning再唔係唔知點樣罰下,
點知真out! 這故事就係教訓那些自恃有才華就唔守規則o既人, 結局就係死!

其實佢真係得架喎! 雖然站在我來看呢兩件就公式左d, 佢平時d咀臉又囂左d(同santino有得fight呀! 不過santino囂得cute d) 係就係犯規, 不過我又唔係好相信一個囂人需要出貓囉. 陰謀論一d睇, 就係唔得o既人先需要公平.

Keith被out, 強敵剷除, 做就Jeffrey成為winner. 唔係話Keith o係到就贏到, 不過叫有d競爭睇下麻)

不過Jeffrey的作品是真的不錯的. (我覺得)

是次挑戰: 一定要"包含"和"只有"black and white
Er..美感上okay o既, 不過個trend就好似已經...


是次挑戰: 造高級訂造服(Haute Couture)
其實用呢個pattern造Haute Couture真係一d都唔高級,
不過就係夠unique, 而且有趣, 我記得o係o個集贏左架!

是次挑戰: 幫elle magazine造一件衫然後再搵一個適合的地方影一張相, 講出故事.
三個字: 我鍾意!
(我記得judge係插架係唔鍾意架! 不過唔記得講咩喇)
但..我真係鍾意囉, 重係愈講愈鍾意囉!

是次挑戰: 已經去了fashion week造自己collection喇.
去親fashion week的, 我覺得硬係比唔同集的挑戰的自己差,
或者鍾意唔落, 呢件都算例外喇!
我記得cutting好特別, 同Chloe之前造的cutting又係有得fight.
加上帶點懷舊味道的pattern, 好似一張糖紙呀! Sweet~

是次挑戰: 幫自己造服飾
拿! 呢個就係Jeffrey喇!
Jeffrey給我最深刻的印象, 除了他的作品之外,
就是他頸上的紋身(和跟Angela媽媽嗌交)

Jeffrey's final 4 collection

(係呀, 今輯又破例有多一個人入final呀.)
其實我只喜歡糖紙同糖紙o個件西裝褸.

好喇, 三個Season終於都講完.

後記: 其實都不是看完三個Season才這樣覺得, 由Season 1開始我已經覺得睇PR, 就好像自己的一面鏡子. 雖然我不是fashion design, 但都係design, 天下design為一家, 所以各方面的designer都會明白大家有什麼感受(縱使我重係學生) 不過有時某些事情就只有designer 明白designer, 係因咩解究開心唔開心, 有咩係覺得難覺得唔難. 細節的我都不說了, 因為明就明, 唔明就唔明.

當初沒有選擇沙田, 這是一個錯誤的決定嗎?
不過就算係, 我都唔會後悔.

我最喜歡的就是Santino的作品.
他的風格明顯清晰, 多數都能給我驚喜和留下印象.

你看呢set內衣多麼的funny!
唔話你知係內衣重以為係性感雜耍裝.
重有d人獸味tim~ Woo..(豺狼吹口哨)

係就係唔係好似內衣架喇, 不過我就是喜歡它們不是
紅橙黃綠黑白紫淨色搭喱士!

另外一些頗欣賞的設計.
 
Designer: Chloe
是次挑戰: 用自己前一晚在派對中穿過的衣服的布料做服裝.
這個題目真的很難! Material竟然係自己一件早就成左形o既衫,
然後再去從新redo過造一件面目全非出來, 夠難掛!!?
我第一眼看見Chloe這件衫, 已經覺得好有力, 極之fashionable.
簡潔蕭灑, 左右兩個插手袋更加係叉電位. 很酷~
比起同集作品十分鶴立雞群.
 
Designer: Andrae
是次挑戰: 同上
唔..怎樣說呢~
造得好與否, 完成度不足已經不是一個問題. 因為這件衣服是3體/睇.
Model的姣步, 牛仔布做的旗袍, designer present時嚎哭(然後model又喊埋一份)
3樣野加埋已經係一個whole feeling, 令我印象相當深刻,
已經不能只談論衣服. 不過真的只說衣服的話,
其實我都係欣賞o既, 他用牛仔布做成旗袍未致於不倫不類,
衣領同裙腳的details保留了牛仔特色,
但旗袍中身什麼都沒有就乏味及浪費了點.
(還記得judge是不太喜歡的.)

Designer: Andrae
是次挑戰: 幫barbie造服飾.
其實中身的泡泡裙很cute, 整體很活潑.
雖然可穿度是差了點, 不過給barbie穿又沒有問題啦.
(judge又是不太喜歡的.)

Designer: Chloe
是次挑戰: 在園藝店舖選取material.
其實款式很普通, 但裙子及頭頂全是用樹葉一塊塊貼上的,
這就是我常常掛在口中"平凡中見不平凡"的高招.

貼貼貼貼貼貼...

至於season 2 的final 3分別是:

 Santino  Chloe  Daniel

唔~ Santino同Chloe入選都係預想之內. 而Daniel V其實都不俗,
他在每集不同的挑戰中也至少贏過3次.
不過硬係沒有一件令我留下深刻印象, 沒有驚喜.
但一輯PR唔可以代表哂佢以後o既.
起碼佢勝在夠young! 剛剛才畢業, Michael Kors似乎亦很賞識他.

Santino在final 3的collection.

我只想問一句: Santino的氣燄往那裡去了??
反高潮!! 難怪第一個被out.

Chloe在final 3的collection.

其實有點悶, 不過勝在剪裁同details夠靚, 整體感覺頗grand.

重有一個Daniel, 不說了.

而我, 就係因為一次友人介紹, 隨即中左PR毒. 因為實在太好睇喇!!

三輯之中, 我最愛season 1. 感覺上任何designer, model, 衣飾都係match架.
就算designer唔夾, d衫樣衰, model唔聽話, 整體感覺都係最perfect!
唯一覺得唔抵o既係Austin, 爭一步就可以入到final 3!
Austin加Jay加Kara組成的final 3不是很無敵嗎? 呢個組合先有得鬥ma~

至於Wendy? 我根本睇死佢輸

 
這條是不能不提令Austin 在第一個挑戰中就贏左o既玉米皮裙.
(雖然這不算我的最愛.) 但creative同technique已經爆燈.
是次挑戰: 在supermarket選擇material(當然係限時限錢)

冇錯, 你係睇緊Project Runway! 唔係農民生活記錄.

 
這條是我最愛Austin的作品, details位其實我已經唔記得, 不過當然造得好complete.
(可能我愛o既原因係因為塊布!)
是次挑戰: 幫Banana Republic做一件服裝, 贏左就有得公開發售.

另外一些頗欣賞的設計.
 
Designer: Nora
是次挑戰: 又係在supermarket選擇material
同一個挑戰, 比起Austin的玉米皮, 我更愛呢張膠凳!
係呀, 件衫就係o係張膠椅上面抆落黎造架喇~
我覺得相當新世代, 線條乾淨利落, 很酷~
Creative也不遜於Austin啊. 
 
Designer: Jay
是次挑戰: 又係幫Banana Republic做一件服裝.
最記得o既係, Jay與Banana Republic的風格是風馬牛不相及,
一向的Jay是走壞孩子路線, 比較多details, 崩爛, 好玩,
要造一件elegant的女性成衣, 起初他都嗌哂救命!
後來看到牆上一幅 (好像是帝國大廈)的相, 就突然靈光一閃!
這件服裝的concept就是來自哪兒的.
上身及裙尾保留了Jay自己的風格, 但大體上仍然大方得睇,
說是Banana Republic出產也是可信的.
 
Designer: Kevin, Alexandra & Nora
是次挑戰: 幫一個走Rock路線的新女星造一件歌衫. (仲係teamwork)
老實講我真係覺得呢件係3件之中最好!
一來夠rock, 也帶點微punk(切題); 二來那種亂中有序配襯得宜, 剛剛到達火位,
頭尾領帶左右花邊亦有呼應. 整體感覺就好似告訴你,
"我係呀頭, 全部人都要聽我支笛"
  

Jay在final 3的collection.
 
看, 12件作品用色獨立, 但很有連貫性. 除了earphone之外, 在衣飾上
不同的details, elements, 會彷彿覺得她們全都是來自同一個地方.
這個地方有人華麗, 有人causal, 有人愛玩, 有人愛工作, 有人係專業人士, 各有不同;
但好像在這些人身上又會發現到一些共同素質. 係咩?
個個都充滿Jay~?!

其實我都喜歡Jay, 他勝出也很實至名歸吧~
 
(Jay~ 不要裝哭啦.)

Special: Robert
 

Robert其實好cute好funny, 有佢o係到氣氛硬係好d~
不過d衫呢, 就真係麻麻喇. 但此人又死好命, 永遠唔係最差的一個,
永遠有人墊佢屍底. 佢係最唔值去到最後5強架囉!
 
睇下睇下, 無話可說no comment!